PALMARÉS DO V FESTIVAL DE CANS

• Premio de Honra Pedigree´08, dotado coa estatuíña Can de Pedra: Chete Lera.

• Premio do xurado á mellor curtametraxe de ficción, dotado co Can de Pedra e 1.500 euros: Sálvame, de Javier Veiga. O xurado valorou “a súa solidez narrativa, corrección formal e a súa interpretación audaz dos patróns da comedia clásica”.

• Mención especial do xurado no apartado de ficción: Perversa Lola, de Sonia Méndez, “pola súa valentía á hora de reformular os códigos do melodrama”.

• Premio do xurado á mellor curtametraxe de animación, dotado co Can de Pedra e 1.500 euros: 1977, de Peque Varela. O xurado valorou que “esta curtametraxe ten un discurso que explota cunha pincelada persoal as posibilidades da animación, combinando diferentes técnicas, e que é un traballo valente e de alta calidade artística”.

• Premio do público á mellor curtametraxe de ficción, dotado co Can de Pedra e 1.500 euros (Premio do Cluster Audiovisual Galego): Sálvame, de Javier Veiga.

• Premio do público á mellor curtametraxe de animación., dotado co Can de Pedra, 3.000 euros en promoción da curtametraxe e a inclusión no programa Curtas 08 (Premio do Consorcio Audiovisual de Galicia): A revolta dos mouses, de David Gen.

• Premio do xurado á mellor actriz, dotado co Can de Pedra: Nuria Sanz, por Perversa Lola.

• Premio do xurado ao mellor actor, dotado co Can de Pedra: Luis Zahera, por Rosita e Jacinto.

• Premio do xurado ao mellor videoclip, dotado co Can de Pedra e 300 euros: The Homens: “Calamar”, de Roi Fernández e Isaac Cordal.

• Premio do público ao mellor videoclip, dotado co Can de Pedra e 300 euros: Elodio y los Seres Queridos: “España a las 8”, de Alberto Bahamonde e Piño.

A quinta edición do Festival de Cans está xa cerca. Comeza en Cans (O Porriño) o mércores 21 de maio e desenvolverase ata o sábado 24, pero xa se pode gozar en Internet. O festival aposta este ano polos contidos propios e aumenta a súa presenza na Rede cun blog propio , unha canle en Youtube e unha páxina en Myspace .