JALÓN FRIKI e ESPAZO MULTIUSOS

1.A XINECÓLOGA (10´)
Xénero: Dramedia sexolóxica
DIRECCIÓN: Alfonso Camarero
ACTORES: Camila Bossa, Esteban Yáñez, Miro Magariños, Carolina   Vázquez.
VAI DE : Unha xinécóloga recibe a unha paciente e observa que é un rapaz. Acaba por botalo da consulta, pero a súa xefa ordénalle que ten que atender á/ó paciente. Un lío así pode supoñer un viacrucis para unha xinecóloga.
O DETALLE: Moito ollo ó momento decisivo da consulta

2.FRONTE DE LIBERTACOM DO GRELO (2´)
Xénero: Micromonólogo revolucionario
DIRECCIÓN: Andrés Cameselle, “Andresolo”
ACTOR: Andrés Cameselle “Andresolo”
VAI DE: “Andresolo” é das personaxes mais frikis que emerxeron na rede nos últimos anos. Este tipo un tanto delirado tanto loita contra o cambio climático como contra a “libertacom do grelo”.
O DETALLE: Non perdas o careto deste tío

3.LA POLLA (15´)
Xénero: Melodrama gore
DIRECCIÓN: La Chú
ACTORES: X. Expóxito “Expo”, Enma Silva
VAI DE: Unha clienta entra nunha tenda de lencería, e o perverso dono acaba querendo abusar dela. Logo de diversos avatares, a cousa acaba como o rosario da aurora.
O DETALLE: Fíxate no título, porque a “ídem”, tamén acabará como actriz convidada. E tanto!

4.NON RETORNABLE (3´)
Animación
DIRECCIÓN: Marcos Méndez e Eva Rey
VAI DE: Un astronauta americano chega ó Planeta Sogama con intención de conquistalo, pero ¿que pode pasar na metade da conquista se lle dá un apretón de vexiga?
O DETALLE: Ollo, os planetas poden ter desague

5.ENTORRADOS (12´)
Comedia absurda
GUIÓN e DIRECCIÓN: Germán Tejada e Carlos Sante
ACTORES: Carlos Sante e Pablo Sánchez
VAI DE: O calificativo de “surrealista” quédalle curto a esta comedia que se desenvolve nos arredores da Torre de Hércules. Algúns odiarana, pero outros non pararán de rir todo o tempo. Inclasificable.
O DETALLE: Os dous actores fan tódolos papeis, sexan humanos ou animais.

6.HUIDA DE TIJUANA 2 (2´)
Trailer delirante
DIRECCIÓN: Jorge Saavedra
ACTORES: Pepo Suevos
VAI DE: Unha parella, unha fuxida e un malo que os persigue. Se chegase a existir esta película ata igual facía boa taquilla. O caso é que se trata dun falso tráiler dunha peli que non existe.
O DETALLE: Efectivamente, un chega a pensar que debeu de ter existido a peli “Huida de Tijuana-1”

7.BLOQUEO (15´)
Traxicomedia burocrática.
DIRECCIÓN: Margheritta Morello
ACTORES: Rula, Marcos PTT
VAI DE: Unha rapaza queda de portas afóra coas chaves dentro da casa. A partir de aí empeza un labirinto burocrático tan delirante que, por veces, parece sacado da burocracia real.
O DETALLE: Os actores falan en linguas diferentes, galego, inglés ou italiano, pero todos se entenden.

ESPAZO MULTIUSOS

Espazo destinado a pezas que buscan novas vías de narración, desde o documental en plastilina á videodanza, pasando polo remontaxe en Súper 8.
Con proxección de Lili Films en directo, incluída. Consulta programa.

1.O CEO DO SÚPER 8 (32´)
DIRECCIÓN: Fernando Pujalte e Angel Rueda
VAI DE: Lili Films é unha productora que leva cinco anos rescatando as cintas caseiras de Súper 8 polos armarios de Galicia, onde atoparon auténticos tesouros. A partir desta aventura teñen montado outras pezas diferentes experimentando novas vías de narración como a “remontaxe”. Para eles, o ceo do Súper 8 está nos armarios.
O DETALLE: Proxectarán con auténtica máquina de Súper 8 en directo. Consulta programación.

2.HOMELESS, SEN TEITO (10´)
Documental social en plastilina
DIRECCIÓN: Diego Méndez
PRODUCIÓN: Micaela Sinde
VAI DE: Curta de animación, que segue os parámetros estéticos dos documentais sociais de investigación, neste caso abordando a problemática das persoas sen fogar.
O DETALLE: os protagonistas son bonecos, pero o drama percíbese coa mesma intensidade.
    
3.KATIUSKA (Os corpos agrícolas)
Videodanza agrícola
DIRECCIÓN: Antón Coucheiro, “Cou”
PRODUCIÓN: Xosé Díaz
ACTORES: Blanca Novoneira, Diego Anido, Ruth Balvis, Carolina Hernández, David Loira.
VAI DE: Experimento audiovisual, onde os personaxes son bailaríns profesionais, e actores e a narrativa tradicional é substituída por coreografías nas leiras e movemento sen diálogos.
O DETALLE: Interesante investigación arredor da mestizaxe das disciplinas artísticas

4.CAFÉS DE PAPEL (5´)
DIRECCIÓN: Manuel Macou
Coa COLABORACIÓN de: Mondotropo
ACTRIZ: Maguet
VAI DE: Cando es inmigrante e chegas a un país que non é o teu, o mundo é moi estraño, pero o mellor é non desesperar. Sempre pode chegar unha oportunidade.
O DETALLE: Non perdas detalle de como se move o mundo arredor dos actores. É un xeito de narrar moi peculiar, desde a primeira secuencia.