Como todo gran festival, o de Cans tamén ten a súa propia publicación oficial, o CanZine, que sae á rúa este xoves cunha tirada de 5.000 exemplares e vén cargado de sorpresas. Sen ir máis lonxe, na entrevista de Isabel Coixet a cineasta declara que non descarta gravar en Cans algunha escena do seu próximo filme. "Non é unha historia tan urbana e estou convencida de que en Cans atoparemos algún lugar para a película", comenta ao respecto. CanZine presenta así a súa segunda edición, de novo de balde e dirixido por Diego Giráldez e Amparo Rodríguez.