AS SALAS

En Cans as salas de cine desbordan agroglamour. Alpendres e baixos cambian por un día os seus usos habituais para acoller pantallas, proxectores e demais. O Festival conta este ano con cinco salas. Catro delas acollen as curtas a concurso:
zzzCasa do Pato
zzzCuberto de Antonio
zzzCasa de Bugarín
zzzCasa do Carreira
Delas, en tres delas proxéctanse curtas de ficción e noutra as de animación. Un sistema rotatorio permite aos que teñan tiquet pasar polas catro salas e non perderse ningunha curta.
A quinta sala é novidade desta edición: o jalpón friki. Será de acceso libre e nela pasaranse algunhas das propostas máis extravagantes entre as curtametraxes galegas recentes.

OS CHIMPIBUSES

A revelación do Festival na súa primeira edición foi o seu medio de transporte oficial: os chimpibuses. Estes pequenos transportes vístense de gala para a ocasión e deixan de carrexar herba, abono ou millo para encargarse de mover a público e invitados dunha sala a outra.
Os chimpibuses son conducidos polos veciños de Cans. Cunha velocidade límite de 20 quilómetros por hora?, a viaxe non ofrece confort pero si máxima diversión.
A flota deste ano aumenta. Serán catro os chimpibuses que percorran os camiños da parroquia.